пераклад з расейскай

*

фальгаваны пакунак
створаны для бляску люстра і трываласці формы.
няма падабенстваў з магнітам,
што прыцягвае натоўп спажыўцоў:
непрыкметная паверхня сярэднявечнага шчыта.
а вецер вабіць
ён кліча адмовіцца ад рэзкіх рухаў
прапаноўвае прыпадобніцца да яго святла-ззяння.
мне, не тонкай пазаплыўнай, мне,
якая адмаўляецца ад сённяшніх вібрацый
якая памятае пра межы ў кшталце шкла
а вецер tabula rasa
я за вакном і ён за вакном
і фальгаваны пакунак лётае,
набыўшы сваю форму

*

вуха
ляжыць на зямлі
і чуе воклічы з храма.
значыць
вецер напявае-
-спараджае таямніцы пра святы грааль.
гэтая вялікая ракавіна
нагадвае раструб саксафона
ён пакрыты слоем адбіткаў
мае магчымасць падслухоўваць.
гэтае пыльнае вуха
збірае сляды ад падэшвы
ўтаптаная і падрапаная
ляжыць без шоргату і планаў.
вада амывае ракавіну
і зліваецца вертыкаллю долу, расліны брыняюць ёй сярод барабанаў і труб.
смоўж паўзе, яго слізь запаўняе прастору
па зямлі
па вуху
па ракавіне
ён атачае сябе бясформеннымі таўшчынямі
і паўзе, пакуль не скончыцца слізь